കാമുകിയുടെ അശ്ലീല ചിത്രം ഫേസ്‌ബുക്കില്‍ പോസ്‌റ്റ് ചെയ്ത യുവാവ് അറസ്‌റ്റില്‍. പശ്ചിമ ബംഗാൾ സ്വദേശി ജൂനിയർ സ്റ്റെവാർട്ട് ഗുഹ(31) ആണ്പിടിയിലായത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
മൂന്നു വര്‍ഷമായി ഗുഹയും പെണ്‍കുട്ടിയും തമ്മില്‍ പ്രണയത്തിലായിരുന്നു. ഇരുവരും വിവാഹം കഴിക്കാന്‍ തീരുമാനിച്ചെങ്കിലും വീട്ടുകാര്‍ എതിര്‍ത്തു. ഇതിനിടെ രണ്ടു തവണ യുവതിയുടെ അശ്ലീല ചിത്രം ഗുഹ എടുത്തിരുന്നു.
വിവാഹത്തില്‍ നിന്നും പിന്മാറാന്‍ മനപ്പൂര്‍വ്വം ശ്രമിക്കുകയാണെന്ന ഗുഹയുടെ ആരോപണം ശക്തമായതോടെ സംശയം അവസാനിപ്പിക്കുന്നതിനായി പെണ്‍കുട്ടി തന്റെ മൊബൈൽ ഫോണും ഡെബിറ്റ് കാർഡും പരിശോധിച്ചുകൊള്ളാൻ പറഞ്ഞ്ഗുഹയെ ഏൽപ്പിച്ചു.
ഗുഹ ഈ ഡെബിറ്റ് കാർഡ് ഉപയോഗിച്ച്സാധനം വാങ്ങുവാൻ തുടങ്ങി. സാമ്പത്തിക പ്രതിസന്ധി പറഞ്ഞ് യുവതിയിൽ നിന്ന്മൂന്ന് ലക്ഷം രൂപയിലേറെ കൈപ്പറ്റുകയും ചെയ്തു. ഇതോടെ ഇരുവരും തമ്മില്‍ തെറ്റുകയും ചെയ്തു.
വഴക്ക് രൂക്ഷമായതോടെ പെണ്‍കുട്ടി നല്‍കിയ മൊബൈല്‍ ഫോൺ ഉപയോഗിച്ച്ഗുഹ അശ്ലീല ചിത്രം ഫേസ്ബുക്കിലിട്ടു. യുവതിയുടെ ഫേസ്ബുക്ക്അക്കൗണ്ട് ഉപയോഗിച്ചായിരുന്നു ഫോട്ടോ ഇട്ടത്. സംഭവം പെണ്‍കുട്ടിയുടെ ശ്രദ്ധയില്‍ പെട്ടതിനു പിന്നാലെ ഇയാള്‍ ഫേസ്‌ബുക്കില്‍ നിന്നും ചിത്രം നീക്കം ചെയ്തു.
കുറച്ചു ദിവസങ്ങൾക്കു ശേഷം ഗുഹ വീണ്ടും ചിത്രം ഫേസ്ബുക്കിലിട്ടതോടെ യുവതി പൊലീസിൽ പരാതി നൽകുകയായിരുന്നു. പിണങ്ങിയതിന്റെ ദേഷ്യത്തിലാണ് ചിത്രം പോസ്‌റ്റ് ചെയ്‌തതെന്നായിരുന്നു ഇയാള്‍ പൊലീസിന് നല്‍കിയ വിശദീകരണം.