വോട്ടിംഗ് യന്ത്രങ്ങള്‍ പണിമുടക്കിയതിനെ തുടര്‍ന്ന് വോട്ടെടുപ്പ് തടസ്സപ്പെട്ട് ബൂത്തുകളില്‍ ഇന്ന് റീ പോളിംഗ്. മലപ്പുറം ജില്ലയില്‍ 105 ബൂത്തുകളിലും തൃശൂര്‍ ജില്ലയില്‍ ഒമ്പതു ബൂത്തുകളിലും റീ പോളിംഗ് ആരംഭിച്ചു. രാവിലെ ഏഴു മണിക്ക് ആരംഭിച്ച വോട്ടെടുപ്പ് അഞ്ചു മണിയോടെ അവസാനിക്കും.
തൃശൂര്‍ ജില്ലയിലെ ചേലക്കര,തിരുവില്വാമല,പഴയന്നൂര്‍,ഏങ്ങണ്ടിയൂര്‍, കൈപ്പമംഗലം,അന്നമനട എന്നിവിടങ്ങളിലെ ഓരോന്നും അരിമ്പൂര്‍ പഞ്ചായത്തിലെ രണ്ടും വാര്‍ഡുകളിലാണ് റീ പോളിംഗ്.
അതേസമയം, കഴിഞ്ഞദിവസം വ്യാപകമായി വോട്ടിംഗ് യന്ത്രങ്ങള്‍ തകരാറിലായത് അസ്വാഭാവികമാണെന്നാണ് തെരഞ്ഞെടുപ്പു കമ്മീഷന്റെ നിലപാട്. ശനിയാഴ്ചയാണ് സംസ്ഥാനത്ത് രണ്ടു ഘട്ടങ്ങളിലായി നടന്ന തദ്ദേശ തെരഞ്ഞെടുപ്പിന്റെ വോട്ടെണ്ണല്‍.