മത്സ്യത്തൊഴിലാളിയുടെ പരാതി കോൺഗ്രസ് നേതാവ് രാഹുൽ ഗാന്ധിയുടെ മുന്നിൽ തെറ്റായി വിവർത്തനം ചെയ്‌ത് പുതുച്ചേരി മുഖ്യമന്ത്രി വി നാരായണസാമി. പുതുച്ചേരിയില്‍ രണ്ടു ദിവസത്തെ സന്ദര്‍ശനത്തിനെത്തിയ രാഹുല്‍ ഗാന്ധിയുടെ മുന്നില്‍ പരാതിക്കെട്ടഴിച്ച സ്ത്രീയുടെ വാക്കുകളെ നാരായണസ്വാമി തെറ്റായി വിവര്‍ത്തനം ചെയ്‌ത് രാഹുല്‍ ഗാന്ധിയെ തെറ്റിദ്ധരിപ്പിക്കാന്‍ ശ്രമിക്കുകയാണുണ്ടായത്. ഇത് വെളിവാക്കുന്ന വീഡിയോ ഇപ്പോള്‍ വൈറലാണ്.
"ചുഴലിക്കാറ്റിന്‍റെ സമയത്ത് ആരും പിന്തുണ നൽകിയില്ല, അദ്ദേഹവും.... [മുഖ്യമന്ത്രി നാരായണസാമി], ചുഴലിക്കാറ്റിനെത്തുടർന്ന് അദ്ദേഹം ഞങ്ങളെ സന്ദർശിച്ചിട്ടുണ്ടോ?" ഇങ്ങനെയായിരുന്നു പരാതിക്കാരിയുടെ വാക്കുകള്‍. എന്താണ് അവര്‍ പറയുന്നതെന്ന് രാഹുല്‍ ഗാന്ധി മുഖ്യമന്ത്രിയോട് അന്വേഷിച്ചു.
പുതുച്ചേരി മുഖ്യമന്ത്രി രാഹുൽ ഗാന്ധിയോട് നല്‍കിയ വിവര്‍ത്തനം ഇങ്ങനെയാണ്, “നിവാർ ചുഴലിക്കാറ്റിൽ ഞാൻ വന്ന് പ്രദേശം സന്ദർശിച്ചു, ഞാൻ അവർക്ക് ആശ്വാസം നൽകി. അതാണ് അവർ പറയുന്നത്.”
