941 ഗ്രാമപഞ്ചായത്തുകളിൽ 520 ഇടങ്ങളിലാണ് ഇടതുമുന്നണി മുന്നേറ്റം നടത്തിയത്. 152 ബ്ലോക്ക് പഞ്ചായത്തുകളിൽ 108 ഇടങ്ങളിലും എൽ ഡി എഫ് ആണ് മുന്നേറിയത്. 14 ജില്ലാ പഞ്ചായത്തുകളിൽ 10 ഇടത്തും എൽ ഡി എഫ് മുന്നിലെത്തി. ആറ് കോർപ്പറേഷനുകളിൽ അഞ്ചും ഇടതുമുന്നണിക്കൊപ്പം നിന്നു. എന്നാൽ മുനിസിപ്പാലിറ്റികളിൽ 45 എണ്ണം സ്വന്തമാക്കി യു ഡി എഫ് മുന്നിലെത്തി. 35 മുനിസിപ്പാലിറ്റികൾ എൽ ഡി എഫ് നേടി.
യഥാർത്ഥത്തിൽ മുഖ്യമന്ത്രി പിണറായി വിജയൻറെ വിജയം കൂടിയാണിത്. ഇത്രയധികം വിമർശനങ്ങൾക്കിടയിലും മിന്നുന്ന വിജയം നേടാനായതോടെ പിണറായിയുടെ അപ്രമാദിത്വം കേരളരാഷ്ട്രീയത്തിൽ തുടരും. ജോസ് കെ മാണിക്കും ഈ തെരഞ്ഞെടുപ്പ് വിജയം വലിയ ആഹ്ളാദം പകരുന്നതാണ്. യഥാർത്ഥ കേരള കോൺഗ്രസ് ആരാണെന്ന് തെളിഞ്ഞു എന്നാണ് ജോസ് കെ മാണി ഈ വിജയത്തോട് പ്രതികരിച്ചത്.
