സുപ്രീംകോടതി വിധി അനുസരിക്കാന്‍ എല്ലാവര്‍ക്കും ബാധ്യതയുണ്ട്. എന്നാല്‍ സുപ്രീം കോടതി വിധി അനുസരിക്കുമ്പോള്‍ ഉണ്ടാകുന്ന പ്രതിസന്ധി കണ്ടില്ലെന്ന് നടിക്കരുത്. മരട് ഫ്ലാറ്റ് വിഷയത്തില്‍ നിര്‍മ്മാണത്തിന് അനുമതി നല്‍കിയവര്‍ക്കെതിരെയും ഫ്ലാറ്റ് നിര്‍മ്മിച്ചവര്‍ക്കെതിരെയും നടപടി വേണം - കോടിയേരി ആവശ്യപ്പെട്ടു.
മരട് ഫ്ലാറ്റ് ഉടമകളോട് അനുകമ്പ കാണിക്കണമെന്നും അവരെ ശിക്ഷിക്കരുതെന്നും സി പി എം സംസ്ഥാന സെക്രട്ടറി ആവശ്യപ്പെട്ടു. അതേസമയം, വിഷയത്തില്‍ സര്‍വ്വകക്ഷിയോഗം വിളിക്കണമെന്നാവശ്യപ്പെട്ട് മുന്‍ മുഖ്യമന്ത്രി ഉമ്മന്ചാണ്ടി മുഖ്യമന്ത്രിക്ക് കത്തുനല്‍കി.
