ആർഎസ്എസും ഇസ്‍ലാമിക് സ്റ്റേറ്റുമാണ് കേരളത്തിൽ വർഗീയത വളർത്തുന്നതെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. കേരളത്തിലെ ആരാധനാലയങ്ങൾ കേന്ദ്രീകരിച്ചാണ് വർഗീയത വളർത്തുന്നതിനായുള്ള ശ്രമങ്ങള്‍ നടക്കുന്നത്. ഇത്തരം വർഗീയതയ്ക്കെതിരെ മതനിരപേക്ഷകർ ഒന്നിക്കണമെന്നും മാധ്യമപ്രവർത്തകരോടു സംസാരിക്കവെ അദ്ദേഹം വ്യക്തമാക്കി.
ഇ.പി ജയരാജന്‍ രാജിവച്ച ഒഴിവിലേക്കാണ് എം.എം മണിയെ പാര്‍ട്ടി മന്ത്രിസഭയിലേക്ക് ശുപാര്‍ശ ചെയ്തത്. മണിയുടെ വകുപ്പ് ഏതാണെന്ന കാര്യത്തിൽ തീരുമാനമെടുക്കേണ്ടത് മുഖ്യമന്ത്രി പിണറായി വിജയനാണെന്നും അദ്ദേഹം പറഞ്ഞു. സഹകരണമേഖലയ്ക്കായി രാഷ്ട്രീയ വ്യത്യാസമില്ലാതെ എല്ലാവരും ഒന്നിക്കണം. അതിനായുള്ള പ്രക്ഷോഭത്തിൽ മറ്റു രാഷ്ട്രീയപ്പാർട്ടികളുമായി സഹകരിക്കാൻ സിപിഎം തയാറാണെന്നും അദ്ദേഹം പറഞ്ഞു.
