ഒറ്റദിവസം ഒരു ലക്ഷം യാത്രക്കാർ; റെക്കോർഡ് സൃഷ്ടിച്ച് കൊച്ചി മെട്രോ; ലാഭം

വൈറ്റിലയും കടന്ന് തൈക്കൂടത്തേക്ക് സർവീസ് ആരംഭിച്ചതോടെ യാത്രക്കാരുടെ എണ്ണത്തിൽ കൊച്ചി മെട്രോ റെക്കോഡ് കുതിപ്പ് തുടരുന്നു. മെ​ട്രോ​യി​ലെ യാ​ത്ര​ക്കാ​രു​ടെ എ​ണ്ണം വ്യാ​ഴാ​ഴ്ച ഒ​രു ല​ക്ഷം ക​വി​ഞ്ഞു. സ​ർ​വീ​സ് ആ​രം​ഭി​ച്ച​തി​നു ശേ​ഷം ഒ​രു ദി​വ​സം ഇ​ത്ര​യും പേ​ർ യാ​ത്ര ചെ​യ്യു​ന്ന​ത് ആ​ദ്യ​മാ​യാ​ണ്. ഇ​തോ​ടെ ദൈ​നം​ദി​ന പ്ര​വ​ർ​ത്ത​ന ലാ​ഭ​മെ​ന്ന സു​പ്ര​ധാ​ന നേ​ട്ടം മെ​ട്രോ സ്വ​ന്ത​മാ​ക്കി.

വൈ​റ്റി​ല, സൗ​ത്ത് തു​ട​ങ്ങി ന​ഗ​ര​ത്തി​ലെ പ്ര​ധാ​ന ജനത്തിരക്കുള്ള മേ​ഖ​ല​കളിലൂടെ മെ​ട്രോ സർവീസ് ആരംഭിച്ചതും യാത്രക്കാർ വർധിക്കാ​ൻ കാരണമായി. ​കൂ​ടാ​തെ നഗത്തിലെ റോ​ഡി​ന്‍റെ ശോ​ച​നീ​യാ​വ​സ്ഥ​യും ട്രാഫിക് ബ്ലോ​ക്കു​മെ​ല്ലാം പൊതുജനങ്ങൾ മെ​ട്രോ  സർവീസിനെ ആശ്രയിക്കുന്നതിനിടയാക്കി. കൊ​ച്ചി​യി​ലെ ഓ​ണ​ത്തി​ര​ക്കി​ന്‍റെ ഒ​രു ഭാ​ഗം വ​ഹി​ച്ച​തും മെ​ട്രോ​യാ​യി​രു​ന്നു. 

ഈമാസം 18വരെ ടിക്കറ്റ് നിരക്കിന്‍റെ പ​കു​തി നൽകിയാൽ മ​തിയെ​ന്ന​തും 25 വരെ പാർക്കിങ് ഫീസ് ഒഴിവാക്കിയതും യാ​ത്ര​ക്കാ​രെ ആ​ക​ർ​ഷി​ച്ചി​ട്ടു​ണ്ട്. ജ​ന​ങ്ങ​ൾ​ക്ക് സൗ​ക​ര്യ​പ്ര​ദ​മാ​യ രീ​തി​യി​ൽ പ്ര​തി​ദി​ന പാ​സ്, വാ​രാ​ന്ത്യ പാ​സ്, പ്ര​തി​മാ​സ പാ​സ് എ​ന്നി​വയും മെ​ട്രോ അധികൃതർ ഒ​രു​ക്കി​യി​ട്ടു​ണ്ട്.