കൊച്ചി ഇടപ്പള്ളിയില്‍ ഓടിക്കൊണ്ടിരുന്ന സ്വകാര്യ ബസിനു മുകളിലേക്ക് വൈദ്യുതി പോസ്റ്റ് ഒടിഞ്ഞുവീണു. ഇന്നു രാവിലെയായിരുന്നു സംഭവം. ബസ് ഭാഗികമായി തകര്‍ന്നു. ബസ് ഡ്രൈവറും യാത്രക്കാരും നേരിയ പരുക്കുകളോടെ രക്ഷപ്പെട്ടു
കൊച്ചി മെട്രോ നിര്‍മ്മാണവുമായി ബന്ധപ്പെട്ട് റോഡിന് കുറുകെ വലിച്ചിരുന്ന കേബിള്‍ ബസില്‍ കുരുങ്ങിയതുമൂലമാണ് അപകടം നടന്നത്. കേബില്‍ ബസില്‍ കുരുങ്ങിയതോടെ പോസ്റ്റ് ഒടിഞ്ഞുവീഴുകയായിരുന്നു. ബസിന്റെ മുന്‍ഭാഗത്ത് യാത്രക്കാര്‍ ഇല്ലാതിരുന്നതിനാല്‍ വന്‍ അപകടമാണ് ഒഴിവായത്.