റിവേഴ്സ് എടുക്കുന്ന സമയത്ത് തിരിഞ്ഞുനോക്കാനോ, ഡോറിന് വെളിയിലേക്ക് നോക്കാനോ ഇനിമുതല് അനുവാദമുണ്ടാകില്ല. അകത്തെയും വശങ്ങളിലെയും കണ്ണാടി നോക്കി വേണം ഇനി റിവേഴ്സ് എടുക്കേണ്ടത്. വരുന്ന തിങ്കളാഴ്ച മുതലാണ് ഈ തീരുമാനം നടപ്പിലാകുക.
നിലവിലുള്ള ‘എച്ച്’ ടെസ്റ്റിനുശേഷം റോഡ് ടെസ്റ്റ് നടത്താറുണ്ടെങ്കിലും കയറ്റങ്ങളിലെ ഡ്രൈവിങ് ടെസ്റ്റ് നിർബന്ധമില്ല. എന്നാല്, പുതിയ നിയമമനുസരിച്ചു കയറ്റത്തു നിർത്തിയിട്ടിരിക്കുന്ന വാഹനം വിജയകരമായി മുന്നോട്ട് ഓടിച്ചുകാണിക്കണം. ഇതോടൊപ്പം നിരപ്പായ സ്ഥലത്തും വാഹനം വിജയകരമായി ഓടിച്ചു കാണിക്കേണ്ടി വരും.