സംസ്ഥാനത്ത് ബിജെപി നേതാക്കള്‍ക്കെതിരെ കോഴ ആരോപണങ്ങള്‍ തുടര്‍ച്ചയായി വന്നുകൊണ്ടിരിക്കുകയാണ്. ഇതിനിടയിലാണ് പിണറായി വിജയനെ വിമര്‍ശിച്ചുകൊണ്ട് കെ സുരേന്ദ്രന് ഫേസ്ബുക്കില്‍ ഒരു പോസ്റ്റ് ഇട്ടത്. മാധ്യമ പ്രവര്‍ത്തകരോട് അപമര്യാദയായി പെരുമാറാനുള്ള കാരണത്തെ കുറിച്ചാണ് സുരേന്ദ്രന് പറയുന്നത്. എന്നാല്‍ ആ പോസ്റ്റ് അല്ല ഇപ്പോഴത്തെ ചര്‍ച്ചാ വിഷയം അതിന് താഴെ വന്ന കമന്റുകളാണ്.
താനും ആഭ്യന്തര വകുപ്പും തികഞ്ഞ പരാജയം ആണ് എന്ന് ഏറ്റവും ബോധ്യമുള്ളത് പിണറായി വിജയന് തന്നെ ആണെന്നും കെ സുരേന്ദ്രന് പറയുന്നുണ്ട്. ബിജെപി ഉന്നയിക്കുന്ന വസ്തുതകള്‍ക്ക് ബലം ലഭിക്കുന്നു എന്നത് പിണറായി വിജയനെ അങ്ങേയറ്റം അസ്വസ്ഥനാക്കുന്നു എന്നും സുരേന്ദ്രന് പറയുന്നുണ്ട്.
സംഗതി ഇതൊക്കെയാണ് പോസ്റ്റില്‍ പറയുന്നത് എങ്കിലും അതിന് അടിയില്‍ വരുന്ന ഭൂരിപക്ഷം കമന്റുകള്‍ക്കും ഇതുമായി ഒരു ബന്ധവും ഇല്ല. കെ സുരേന്ദ്രന് ബെംഗളൂരുവില്‍ ഒമ്പതര കോടി രൂപ ചെലവഴിച്ച് ഒരു ഹോട്ടല്‍ വാങ്ങിയിട്ടുണ്ട് എന്നാണ് ആക്ഷേപം. ഒരു ഓണ്‍ലൈന്‍ പോര്‍ട്ടലില്‍ അങ്ങനെ ഒരു വാര്‍ത്തയും വന്നിരുന്നു. അതിന്റെ പേരിലാണ് ഇപ്പോള്‍ സുരേന്ദ്രന് പൊങ്കാല.