കൊച്ചിയില്‍ നടന്ന ചടങ്ങില്‍ മുഖ്യമന്ത്രി പിണറായി വിജയനാണ് കെ സ്മാര്‍ട്ട് ആപ്പ് ഉദ്ഘാടനം ചെയ്തത്. അതേസമയം കെ സ്മാര്‍ട്ട് പദ്ധതി കേന്ദ്രത്തിന്റെ പദ്ധതിയാണെന്ന് ബിജെപി സംസ്ഥാന വക്താവ് സന്ദീപ് വാര്യര്‍ ഫെയ്‌സ്ബുക്കിലൂടെ അഭിപ്രായപ്പെട്ടു. കേന്ദ്ര പദ്ധതിയായ സ്മാര്‍ട്ട് സിറ്റി മിഷന് കേന്ദ്രം നല്‍കിയ 23 കോടി ഇന്‍ഫര്‍മേഷന്‍ കേരള മിഷന് നല്‍കി ഉദ്ഘാടനം ചെയ്യുമ്പോള്‍ കേന്ദ്രസര്‍ക്കാരിന്റെ പേര് പോലും കേരളം പരാമര്‍ശിച്ചില്ലെന്ന് സന്ദീപ് വാര്യര്‍ ഫെസ്ബുക്കിലൂടെ പറഞ്ഞു.
