മുക്കം അങ്ങാടിയിലെ വിസ്മയ ഗോള്‍ഡ് ജ്വല്ലറിയില്‍ നിന്ന് മൂന്നു കിലോഗ്രാം സ്വര്‍ണ്ണവും നാലര കിലോഗ്രാം വെള്ളിയും കവര്‍ച്ച ചെയ്തു. വ്യാഴാഴ്ച രാവിലെ ജ്വല്ലറി തുറന്നപ്പോഴാണ് മോഷണ വിവരം അറിയുന്നത്.
സംസ്ഥാന പാതയോരത്ത് അടുത്തിടെ പ്രവര്‍ത്തനം ആരംഭിച്ച ജ്വല്ലറിയുടെ പിന്‍ചുവര്‍ തുരന്നാണ് മോഷ്ടാക്കള്‍ അകത്തുകടന്ന് മോഷണം നടത്തിയത്. ലോക്കര്‍ തകര്‍ക്കാന്‍ ഉപയോഗിച്ച ഗ്യാസ് കട്ടര്‍ എന്നിവ സമീപത്തെ പറമ്പില്‍ നിന്ന് പൊലീസ് കണ്ടെടുത്തു.
ജ്വല്ലറി ഉടമകളായ കൊടുവള്ളി സ്വദേശികളായ ജാബിര്‍, റസാക്ക് എന്നിവരുടെ പരാതിയെ തുടര്‍ന്ന് പൊലീസ് അന്വേഷണം ആരംഭിച്ചു.