കേരളത്തിലെ പ്രളയത്തിന് കാരണം ഡാമുകൾ തുറന്നുവിട്ടതെന്ന് പറഞ്ഞ പരിസ്ഥിതി ശാസ്ത്രജ്ഞനായ മാധവ് ഗാഡ്ഗിലിനെ അധിക്ഷേപിച്ച് ഇടുക്കി എം.പി ജോയ്സ് ജോര്‍ജ്. കേരളത്തില്‍ നൂറുകണക്കിനാളുകള്‍ പ്രളയദുരന്തത്തില്‍ പെട്ട് മരിച്ചുവീണ ദിവസം ശവംതീനി കഴുകനെപ്പോലെയണ് മാധവ് ഗാഡ്ഗില്‍ മുംബൈയില്‍ നിന്ന് തിരുവനന്തപുരത്തു പറന്നിറങ്ങിയത്.
ശത്രുക്കള്‍ പോലും മരണവീട്ടില്‍ നിശ്ശബ്ദത പാലിക്കുമെന്നിരിക്കേ, കേരളത്തില്‍ മുന്നൂറോളം പേര്‍ മരിച്ചത് തന്റെ റിപ്പോര്‍ട്ട് നടപ്പാക്കാത്തതു കൊണ്ടാണെന്ന മണ്ടത്തരം കേരളം മുഴുവന്‍ നടന്ന് പ്രചരിപ്പിക്കുകയായിരുന്നു ഗാഡ്ഗിലും ചില കപട പരിസ്ഥിതിവാദികളും.- ജോയ്സ് പറയുന്നു.
