കേരള മെഡിക്കല്‍ സര്‍വീസസ് കോര്‍പ്പറേഷന്റെ സീലുള്ളതും 2016 ജനുവരി വരെ കാലാവധിയുള്ള മരുന്നുകളും കത്തിച്ചവയില്‍പ്പെടും. കത്തിച്ചവയില്‍ പലതും ചൂടാകുമ്പോള്‍ അന്തരീക്ഷത്തില്‍ വിഷവാതകങ്ങള്‍ ഉണ്ടാക്കുന്നവയാണ്. ഇങ്ങനെ മുന്നറിയിപ്പ് നല്‍കിയിരിക്കുന്ന മരുന്നുകളാണ് നശിപ്പിച്ചവയില്‍ പെടുന്നത്.
ഏതൊക്കെ മരുന്നുകള്‍ കത്തിച്ചെന്നും എത്രലക്ഷം വിലവരുമെന്നും ആരോഗ്യവകുപ്പ് വ്യക്തമാക്കിയിട്ടില്ല. എന്നാല്‍ മൂന്നു ദിവസം കൊണ്ടാ‍ണ് മരുന്നുകള്‍ കത്തി തീര്‍ന്നതെന്ന് പറയപ്പെടുന്നു. തിരുവനന്തപുരത്ത് ആരോഗ്യവകുപ്പ് ആസ്ഥാനത്തിനു സമീപത്തുള്ള സെന്‍ട്രല്‍ വര്‍ക്ക്‌ഷോപ്പ് കേന്ദ്രത്തില്‍ അതീവ രഹസ്യമായാണ് കത്തിക്കല്‍ നടന്നത്.