ഓട്ടോറിക്ഷയില്‍ കഞ്ചാവ് കച്ചവടം നടത്തിയ യുവാവ്‌ അറസ്റ്റില്‍. ചാത്തന്നൂര്‍ ചിറക്കര ജിത്തു ഭവനില്‍ രാജേഷാണ് പിടിയിലായത്‌.
കഴിഞ്ഞ ദിവസം ചാത്തന്നൂര്‍ എക്സൈസ്‌ സംഘം കല്ലുവാതുക്കലിലെ പാറ ജംഗ്ഷനില്‍ നടത്തിയ വാഹന പരിശോധനയിലാണ് രാജേഷ്‌ വലയിലായത്‌. ഓട്ടോയുടെ ഡാഷിനുള്ളില്‍ ഒളിപ്പിച്ചുവച്ച 50 പൊതി കഞ്ചാവ് കണ്ടെടുത്തു.
മൈലക്കാട്‌ പ്രദേശത്ത്‌ വിതരണം ചെയ്യാനാണിതെന്ന് രാജേഷ്‌ സമ്മതിച്ചതായി അധികൃതര്‍ അറിയിച്ചു. കൂടുതല്‍ അന്വേഷണം ആരംഭിച്ചു.