കാട്ടാനയുടെ ആക്രമണത്തില്‍ വനപാലകന്റെ കാര്‍ തകര്‍ന്നു. തിങ്കളാഴ്ച രാത്രി പത്ത് മണിയോടെയായിരുന്നു സംഭവം. മുതുകാട് പയ്യാനി കോട്ടയില്‍ ഇറങ്ങിയ ഒറ്റയാനാണ്‌ കാര്‍ തകര്‍ത്തത്.
വനപാലകനായ ഷിബുവിന്‍റെ കാറാണ്‌ കാട്ടാന തകര്‍ത്തത്. കാറിലുണ്ടായിരുന്ന ഷിബുവും രണ്ട് ഫോറസ്റ്റ് വാച്ചര്‍മാരും ഓടി രക്ഷപ്പെടുകയാണുണ്ടായത്.
കാട്ടാനയുടെ ശല്യം കാരണം കാട്ടാനയെ ഓടിക്കാനായി പടക്കവുമായി എത്തിയവരായിരുന്നു ഇവര്‍. എന്നാല്‍ ഒളിച്ചിരുന്ന ഒറ്റയാന്‍ അപ്രതീക്ഷിതമായി ആക്രമണം നടത്തുകയായിരുന്നു.
