ചൈനയില്‍ ഹ്യൂമന്‍ മെറ്റാപ് ന്യൂമോവൈറസ് പടരുന്നതായി റിപ്പോര്‍ട്ട്. കൂടാതെ കോവിഡ് 19, ഇന്‍ഫ്‌ലുവന്‍സാ എ തുടങ്ങിയ ഒന്നിലധികം വൈറസുകളും ചൈനയില്‍ പടരുന്നുണ്ട്. അന്താരാഷ്ട്ര മാധ്യമങ്ങളാണ് സോഷ്യല്‍ മീഡിയ പോസ്റ്റുകളെ ഉദ്ധരിച്ച് റിപ്പോര്‍ട്ടുകള്‍ നല്‍കുന്നത്. ആശുപത്രികളില്‍ തിങ്ങിനിറങ്ങിയ അവസ്ഥയില്‍ രോഗികള്‍ എത്തുന്നതും ആളുകള്‍ മാസ്‌ക്കുകള്‍ ധരിച്ച് സഞ്ചരിക്കുന്നതുമടക്കമുള്ള വീഡിയോകള്‍ സോഷ്യല്‍ മീഡിയകളില്‍ വ്യാപകമായി പ്രചരിക്കുകയാണ്.
