എസ്പി പറഞ്ഞത് സത്യമോ; ഇവരിലൊരാള്‍ ഉടന്‍ അറസ്‌റ്റിലാകും ? - കുടുങ്ങുന്നത് ഒരു സ്ത്രീയും പുരുഷനും
ചൊവ്വ, 8 ഓഗസ്റ്റ് 2017 (19:58 IST)
കൊച്ചിയില്‍ യുവനടിയെ തട്ടിക്കൊണ്ടു പോയ കേസില്‍ രണ്ട് പേര്‍ ഉടന്‍ അറസ്‌റ്റിലാകുമെന്ന് റിപ്പോര്‍ട്ട്. റിമാന്‍‌ഡിലുള്ള നടന്‍ ദിലീപുമായി അടുത്ത ബന്ധമുള്ള ഒരു സ്ത്രീയും പുരുഷനുമാണ് അറസ്‌റ്റിലാകുക എന്നാണ് പുറത്തുവരുന്ന വാര്‍ത്ത.
കേസിലെ ഒന്നാം പ്രതിയും നടിയെ ഉപദ്രവിക്കുകയും ചെയ്‌ത പള്‍സര്‍ സുനിയുടെ വെളിപ്പെടുത്തല്‍ പ്രകാരം ഗൂഢാലോചനയെക്കുറിച്ച് വ്യക്തമായി അറിവുള്ളയാളും ദിലീപുമായി അടുത്ത ബന്ധമുള്ളയാളുമാണ് അടുത്തതായി അറസ്‌റ്റിലാകുക എന്നാണ് മംഗളം റിപ്പോര്‍ട്ട് ചെയ്യുന്നത്.
ദിലീപുമായി നേരിട്ട് ബന്ധമുള്ളവരും ഗൂഢാലോചനയില്‍ പങ്കുണ്ടെന്ന് വ്യക്തമായ സൂചന ലഭിച്ചവരുമാണ് ഈ രണ്ട് വ്യക്തികള്‍. അതേസമയം, ദിലീപിനെതിരെ ശക്തമായ തെളിവുകള്‍ ഉണ്ടെന്ന് ആലുവ റൂറൽ എസ്പി എവി ജോർജ് വ്യക്തമാക്കി.
കേസിൽ മാപ്പു സാക്ഷി വേണമോയെന്ന് അന്വേഷണത്തിന്‍റെ അവസാന ഘട്ടത്തിൽ മാത്രമാകും തീരുമാനിക്കുക. റിമാന്‍‌ഡില്‍ കഴിയുന്ന ദിലീപിനെതിരേ ശക്തമായ തെളിവുകള്‍ അന്വേഷണ സംഘം ശേഖരിച്ചു കഴിഞ്ഞുവെന്നും റൂറൽ എസ്പി പറഞ്ഞു.
