2018 ജനുവരിയിലാണ് സഹിലും നിക്കിയും ആദ്യമായി കണ്ടുമുട്ടുന്നത്. എസ്.എസ്.സി പരീക്ഷയ്ക്ക് വേണ്ടി ഒരുങ്ങുകയായിരുന്ന നിക്കി ഒരു സ്വകാര്യ കോച്ചിങ് സെന്ററില്‍ പരിശീലനത്തിനു പോയിരുന്നു. മെഡിക്കല്‍ എന്‍ട്രന്‍സിന് വേണ്ടി തയ്യാറെടുത്തിരുന്ന സഹില്‍ പ്രദേശത്ത് തന്നെയുള്ള ഒരു ഇന്‍സ്റ്റിറ്റ്യൂട്ടിലാണ് പഠിച്ചിരുന്നത്. ഇവര്‍ ഒന്നിച്ചാണ് സ്ഥിരം കോച്ചിങ് സെന്ററില്‍ പോയിരുന്നത്. അങ്ങനെ ഇരുവരും പ്രണയത്തിലായി. ഗ്രേറ്റര്‍ നോയ്ഡയിലെ ഒരു സ്വകാര്യ കോളേജില്‍ ഒന്നിച്ച് പഠിക്കാന്‍ തുടങ്ങിയ ഇവര്‍ പിന്നീട് വീട് വാടകയ്‌ക്കെടുത്ത് ഒന്നിച്ച് താമസിക്കാന്‍ തുടങ്ങി.
