കോഴിക്കോട് കേന്ദ്രീകരിച്ച് പ്രവർത്തിക്കുന്ന മുസ്ലീം തീവ്രവാദി ഗ്രൂപ്പുകളാണ് മാവോയിസ്റ്റുകൾക്ക് വെള്ളവും വളവും വെച്ച് നൽകുന്നതെന്ന സി പി എം ജില്ലാ സെക്രട്ടറി പി മോഹനന്റെ വാക്കുകൾക്കെതിരെ നിയമസഭയിൽ പ്രതിപക്ഷ പ്രതിഷേധം. പി മോഹനന്റെ വാക്കുകൾ ഉദ്ധരിച്ച് സംസ്ഥാനത്ത് ഇസ്ലാമിക തീവ്രവാദം നിലനിൽക്കുന്നുണ്ടോ എന്ന് സർക്കാർ വ്യക്തമാക്കണമെന്ന് പ്രതിപക്ഷ നേതാവ് രമേഷ് ചെന്നിത്തല നിയമസഭയിൽ ആവശ്യപ്പെട്ടു.
