തിരുവനന്തപുരം ജനറല്‍ ആശുപത്രിയിലെ ക്യാന്റീനിനെതിരെ പരാതിയുമായി ഒരു വിഭാഗം ഹൗസ് സര്‍ജന്മാർ. മോശമായ ആഹാരമാണ് ഇവിടെ പാചകം ചെയ്യുന്നതെന്നും ചോദ്യം ചെയ്താല്‍ ജീവനക്കാര്‍ ഭീഷണിപ്പെടുത്തുന്നതായും ഹൗസ് സര്‍ജന്മാര്‍ പരാതിപ്പെട്ടു. ഇതുസംബന്ധിച്ച് ആശുപത്രി സൂപ്രണ്ടിന് ഇവര്‍ പരാതിയും നല്‍കിയിട്ടുണ്ട്. ഓൺലൈൻ വാർത്താ പോർട്ടലായ ഇ-വാർത്തയാണ് ഇത് റിപ്പോർട്ട് ചെയ്തിരിക്കുന്നത്.
അതേസമയം ഹൗസ് സര്‍ജന്മാര്‍ ക്യാന്റീനിനെതിരെ പരാതി നല്‍കിയിട്ടുണ്ടെന്ന് ആശുപത്രി സൂപ്രണ്ടും വ്യക്തമാക്കി. ഇതേക്കുറിച്ച് ഫുഡ് ഇന്‍സ്‌പെകടര്‍ ഉള്‍പ്പെട്ട ഒരു ടീം അന്വേഷണം നടത്തി. എന്നാല്‍ ഭക്ഷണം മോശമാണെന്ന് കണ്ടെത്താനായില്ല. ഹൗസ് സര്‍ജന്മാര്‍ക്കെതിരെ ക്യാന്റീന്‍ ജീവനക്കാരും തനിക്ക് പരാതി നല്‍കിയിട്ടുണ്ടെന്നും ഇതേക്കുറിച്ചും അന്വേഷണം നടത്തുമെന്നും സൂപ്രണ്ട് പറഞ്ഞു.
