ബലാത്സംഗത്തിനിരയായെന്ന പരാതിയുമായി സമീപിച്ച യുവതിക്കു നേരെ തന്റെ ഭാഗത്തുനിന്ന് മോശമായ പെരുമാറ്റം ഉണ്ടായിട്ടില്ലെന്ന് പേരാമംഗലം സി ഐ മണികണ്ഠന്‍. തിരുവനന്തപുരത്ത് യുവതി നടത്തിയ വാര്‍ത്താസമ്മേളനത്തില്‍ സി ഐക്കെതിരെ ആരോപണം ഉന്നയിച്ചിരുന്നു. പരസ്യമായി തെളിവെടുപ്പ് നടത്തുകയും ജനമധ്യത്തില്‍ വെച്ച് അപമാനിക്കുകയും ചെയ്തെന്ന് യുവതി ആരോപിച്ചിരുന്നു. ഇതിന് മറുപടിയുമായാണ് സി ഐ മണികണ്ഠന്‍ രംഗത്തെത്തിയത്.
