സംസ്ഥാനത്ത് മദ്യത്തിന്റെ ലഭ്യത പരമാവധി കുറയ്ക്കാന്‍ നടപടി വേണമെന്ന് ഹൈക്കോടതി. സംസ്ഥാനത്ത് മദ്യം യഥേഷ്ടം ലഭിക്കുന്ന സാഹചര്യമാണെന്നും ഹൈക്കോടതി വിലയിരുത്തി.
ബാര്‍ ലൈസന്‍സ് പുതുക്കുന്നതുമായിയുള്ള ഹര്‍ജികളില്‍ വാദം കേള്‍ക്കവെയാണ് ജസ്റ്റീസ് ചിദംബരേഷിന്റെ ബെഞ്ചിന്റെ ഈ നിര്‍ദ്ദേശം. മദ്യനയത്തില്‍ സര്‍ക്കാര്‍ സ്വീകരിക്കുന്ന നടപടികള്‍ നല്ലതാണ്.
എന്നാല്‍ ഇന്ന് വിദ്യാര്‍ത്ഥികള്‍ക്കു പോലും മദ്യം ലഭിക്കുന്നുണ്ട്. ഈ അവസ്ഥ മാറണം. നിലവാരമില്ലാത്ത ബാറുകള്‍ക്ക് ലൈസന്‍സ് പുതുക്കരുതെന്ന നിലപാട് പ്രശംസാര്‍ഹമാണെന്നും കോടതി അഭിപ്രായപ്പെട്ടു.
ലൈസന്‍സ് നല്‍കുന്നതിനെ മൗലികാവകാശമായി കാണേണ്ടതില്ല. ലൈസന്‍സുകള്‍ നല്‍കുന്നതിന് ഏകീകരണം ആവശ്യമാണെന്നും കോടതി കൂട്ടിച്ചേര്‍ത്തു. സര്‍ക്കാരിനു വേണ്ടി അഡ്വക്കേറ്റ് ജനറലിന് പകരം ഗവണ്‍മെന്റ് പ്ളീഡറാണ് കോടതിയില്‍ ഹാജരായത്.