സ്കൂള്‍ വിദ്യാര്‍ത്ഥിനിയെ പീഡിപ്പിക്കാന്‍ ശ്രമിച്ച കേസില്‍ യുവാവിനെ പൊലീസ് അറസ്റ്റ് ചെയ്തു. അണ്ടൂര്‍കോണം തിരുവെള്ളൂര്‍ ചന്ദ്രലക്ഷ്മി ഭവനില്‍ ചന്ദ്രദേവ് (29) ആണ് പോത്തന്‍കോട് പൊലീസിന്‍റെ വലയിലായത്.
ആളില്ലാത്ത തക്കം നോക്കിയായിരുന്നു പ്രതി പെണ്‍കുട്ടിയുടെ വീട്ടിലെത്തി ഉപദ്രവിക്കാന്‍ ശ്രമിച്ചത്. പ്രതി വീട്ടില്‍ കയറി മുന്‍വാതില്‍ അടയ്ക്കുകയും കുട്ടിയെ പീഡിപ്പിക്കാന്‍ ശ്രമിക്കുകയുമായിരുന്നു. എന്നാല്‍ കുട്ടി നിലവിളിച്ചുകൊണ്ട് പിന്‍ഭാഗത്തുകൂടി ഓടി രക്ഷപ്പെട്ടു.
പരിസര വാസികള്‍ എത്തിയപ്പോഴേക്കും പ്രതി ബൈക്കില്‍ കയറി രക്ഷപ്പെട്ടിരുന്നു. പൊലീസ് തുടര്‍ന്ന് നടത്തിയ അന്വേഷണത്തിലാണ് പ്രതിയെ ബന്ധുവീട്ടില്‍ നിന്ന് പിടികൂടിയത്. പോത്തന്‍കോട് എസ്.ഐ ശ്രീജിത്തിന്‍റെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്.