2024 ലോക്‌സഭാ തിരഞ്ഞെടുപ്പ് ലക്ഷ്യമിട്ട് വന്‍ പദ്ധതികള്‍ തയ്യാറാക്കുകയാണ് ബിജെപി. തെന്നിന്ത്യയില്‍ തേരോട്ടം നടത്താനാണ് ബിജെപിയുടെ ലക്ഷ്യം. തമിഴ്‌നാട്, കേരളം എന്നീ സംസ്ഥാനങ്ങളില്‍ ലോക്‌സഭാ സീറ്റുകള്‍ വര്‍ധിപ്പിക്കാന്‍ പ്ലാന്‍ ബി തയ്യാറാക്കുകയാണ് പാര്‍ട്ടി നേതൃത്വം.
പുറത്തുവരുന്ന റിപ്പോര്‍ട്ടുകള്‍ പ്രകാരം തമിഴ്‌നാട്ടില്‍ നിന്നോ കേരളത്തില്‍ നിന്നോ അമിത് ഷാ ലോക്‌സഭാ തിരഞ്ഞെടുപ്പില്‍ മത്സരിക്കും. അമിത് ഷാ അല്ലെങ്കില്‍ മറ്റേതെങ്കിലും പ്രമുഖനെ ഇറക്കി കളം നിറയാനാണ് ബിജെപി തന്ത്രം. ബിജെപിക്ക് അനുകൂലമായ സാഹചര്യമുണ്ടാക്കാന്‍ ഇപ്പോള്‍ തന്നെ ജനങ്ങള്‍ക്കിടയില്‍ പ്രവര്‍ത്തനങ്ങള്‍ നടത്താന്‍ സംസ്ഥാന നേതൃത്വങ്ങള്‍ക്ക് നിര്‍ദേശം നല്‍കിയിട്ടുണ്ട്.
