ആലപ്പുഴയില്‍ പിതാവിനെ വാക്കര്‍ കൊണ്ട് അടിച്ച് കൊലപ്പെടുത്തിയ സംഭവത്തില്‍ മകന്‍ അറസ്റ്റില്‍

പിതാവിനെ വാക്കര്‍ കൊണ്ട് അടിച്ച് കൊലപ്പെടുത്തിയ സംഭവത്തില്‍ മകന്‍ അറസ്റ്റില്‍. പുന്നപ്ര ഈരേശേരിയില്‍ സെബിന്‍ ക്രിസ്റ്റ്യന്‍ ആണ് അറസ്റ്റിലായത്. പുന്നപ്ര പോലീസാണ് പ്രതിയെ പിടികൂടിയത്.

സെബിന്റെ പിതാവ് ഈരേശേരിയില്‍ സെബാസ്റ്റ്യാനെയാണ് ആക്രമിച്ചത്. ഈ കഴിഞ്ഞ 21-നായിരുന്നു കേസിന് ആസ്പദമായ സംഭവം. മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെയാണ് സെബാസ്റ്റ്യാന്‍ മരിച്ചത്. പോസ്റ്റ്മോര്‍ട്ടം ചെയ്യവെയാണ് മരണകാരണം കൊലപാതകമാണെന്ന് തെളിഞ്ഞത്.