ഹോട്ടലുകളില്‍ നഗരസഭ ആരോഗ്യവിഭാഗം സ്‌ക്വാഡിന്റെ മിന്നല്‍ പരിശോധനയില്‍ പഴകിയ ഭക്ഷണങ്ങള്‍ പിടിച്ചെടുത്തു. ആലപ്പുഴ തത്തംപള്ളിയിലെ സാധിക, കോടതിപാല ഹസീന, കിടങ്ങാംപറമ്പ് മഹാദേവ ഹോട്ടലുകളില്‍ നിന്നാണ് പഴകിയ ഭക്ഷണങ്ങള്‍ പിടിച്ചെടുത്തത്. പഴകിയ ചോറും ഇറച്ചിയും മീനുമൊക്കെയാണ് പിടിച്ചെടുത്തത്. കൂടാതെ ബേക്കറികളില്‍ നിന്ന് പഴകിയ പലഹാരങ്ങളും പാലും പിടിച്ചെടുത്തിട്ടുണ്ട്. ഹെല്‍ത്ത് ഇന്‍സ്‌പെക്ടര്‍ ആര്‍ അനില്‍കുമാറിന്റെ നേതൃത്വത്തിലായിരുന്നു പരിശോധന. ഇന്നലെ രാവിലെ ആറരമുതല്‍ ഉച്ചവരെയായിരുന്നു പരിശോധന.
