തിരുവനന്തപുരം, കൊച്ചി, കണ്ണൂര്‍ വിമാനത്താവളങ്ങളില്‍ നിന്നുള്ള എയര്‍ ഇന്ത്യ വിമാന സര്‍വീസുകള്‍ മുന്നറിയിപ്പില്ലാതെ റദ്ദാക്കി. കൊച്ചി, തിരുവനന്തപുരം വിമാനത്താവളങ്ങളില്‍ നിന്നുള്ള നാലും കണ്ണൂരില്‍ നിന്നുള്ള മൂന്നും സര്‍വീസുകളാണ് റദ്ദാക്കിയത്.
അബുദാബി, മസ്‌കറ്റ്, ഷാര്‍ജ വിമാനങ്ങളാണ് റദ്ദാക്കിയത്. അര്‍ധരാത്രി എത്തിയ യാത്രക്കാര്‍ വരെ വിമാനത്താവളങ്ങളില്‍ കുടുങ്ങി കിടക്കുകയാണ്. വിമാനത്താവളങ്ങളില്‍ യാത്രക്കാരുടെ കടുത്ത പ്രതിഷേധം ഉയര്‍ന്നിട്ടുണ്ട്. കൊച്ചി, കണ്ണൂര്‍ വിമാനത്താവളങ്ങളില്‍ യാത്രക്കാര്‍ക്ക് ഇരിക്കാന്‍ പോലുമുള്ള സൗകര്യമില്ലാത്ത വിധമാണ് തിരക്ക്.
