തിരുവനന്തപുരം: സംസ്ഥാനത്ത് ഇന്ന് 58 പേർക്ക് കൊവിഡ് 19 സ്ഥിരീകരിച്ചു. തൃശൂരിൽ 10, പാലക്കാട് 9, കണ്ണൂർ 8, കൊല്ലം, ഇടുക്കി എറണാകുളം കോഴിക്കോട് ജില്ലകളിൽ 4 പേർക്ക് വീതം തിരുവനന്തപുരം ആലപ്പുഴ ജില്ലകളിൽ 2 പേർക്കുവീതവും കോട്ടയം ജില്ലയിൽ ഒരാൾക്കുമാണ് ഇന്ന് രോഗബാധ സ്ഥിരീകരിച്ചത്. ആലപ്പുഴ ജില്ലയിൽ കരൾ രോഗത്തെ തുടർന്ന് ചികിത്സയിലിരിയ്ക്കെ കഴിഞ്ഞദിവസം മരിച്ചയാളുടെ ഫലവും ഇന്നത്തെ കണക്കിൽ ഉൾപ്പെടുത്തിയിട്ടുണ്ട്.
10 പേർ ഇന്ന് രോഗമുക്തി നേടി. ഇന്ന് രോഗം സ്ഥിരീകരിച്ചവരിൽ 17 പേർ വിദേശത്തുനിന്നും വന്നവരാണ്. കുവൈത്ത് യുഎഇ എന്നിവിടങ്ങളിൽ നിന്നും എത്തിയ അറു പേർക്കുവീതവും. ഒമനിൽനിന്നും എത്തിയ രണ്ടുപേർക്കും, സൗദി അറേബ്യ, ഖത്തർ, ഇറ്റലി എന്നിവിടങ്ങളിലും നിന്നും എത്തിയ ഓരോരുത്തർക്കുമാണ് രോഗബാധ സ്ഥിരീകരിച്ചത്. 31 പേർ മറ്റു സംസ്ഥാനങ്ങളിൽനിന്നും വന്നവരാണ്. ഇതിൽ 19 പേർ മഹാരാഷ്ട്രയിൽനിന്നും എത്തിയവരാണ്. തമിഴ്നാട്ടിൽ നിന്നും എത്തിയ 9 പേർക്കും കർണാടക, തെലങ്കാന ഡൽഹി എന്നിവിടങ്ങളിൽനിന്നും എത്തിയ ഓരോരുത്തർക്കുമാണ് രോഗം സ്ഥിരീകരിച്ചത്.