ചെറുഗ്രൂപ്പുകളായി ലഹരി ഉപഭോക്താക്കള്‍ ഒത്തു ചേരുന്ന സ്മോക്കേഴ്സ് പാര്‍ട്ടിയാണ് ഫ്ലാറ്റില്‍ സംഘടിപ്പിച്ചത്. വിശ്വസ്തരായവര്‍ക്കു മാത്രമാണ് പങ്കെടുക്കാന്‍ അനുമതി നല്കിയിരുന്നത്. പിടിയിലായ യുവനടന്‍ ഷൈന്‍ ടോം ചാക്കോയ്ക്കും സഹസംവിധായിക ബ്ലെസിക്കും പുറമെ സിനിമാ രംഗത്തെ പലരും ഇത്തരം പാര്‍ട്ടികളില്‍ പങ്കെടുക്കുന്നതായാണു പൊലീസിനു ലഭിച്ച വിവരം.
അതേസമയം, താന്‍ ഇതിനുമുമ്പും പല സ്മോക്കേഴ്സ് പാര്‍ട്ടികളിലും പങ്കെടുത്തിട്ടുണ്ടെന്ന് ഷൈന്‍ ടോം ചാക്കോ പൊലീസിനു മൊഴി നല്കി, എന്നാല്‍ ,പൊലീസ് പലതവണ ചോദിച്ചിട്ടും സ്മോക്കേഴ്സ് പാര്‍ട്ടികളില്‍ ഒപ്പം പങ്കെടുത്തവരുടെ പേര് വെളിപ്പെടുത്താന്‍ ഷൈന്‍ ടോം ചാക്കോ തയ്യാറായില്ല.
