ഉത്തര്‍‌പ്രദേശ് മുഖ്യമന്ത്രി യോഗി ആദിത്യനാഥിന്റെ മണ്ഡലത്തിലെ ആശുപത്രിയില്‍ 30 കുരുന്നുകള്‍ മരിച്ചത് ഞെട്ടലോടെയാണ് പുറം‌ലോകമറിയുന്നത്. സംഭവത്തില്‍ ബിജെപിയേയും യോഗി ആദിത്യനാഥിനേയും രൂക്ഷമായി വിമര്‍ശിച്ച് രംഗത്തെത്തിയിരിക്കുകയാണ് പാലക്കാട് എം‌പി എം ബി രാജേഷ്. ഫെസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
പശുസംരക്ഷണം ഉറപ്പാക്കിയവര്‍, പശുക്കളെ സംരക്ഷിക്കാന്‍ ഓടിപ്പാഞ്ഞ് നടക്കുന്നവര്‍ ഈ കുരുന്നുകള്‍ക്ക് പ്രാണവായു ഏര്‍പ്പെടുത്തിയിരുന്നുവെങ്കില്‍ എന്ന് രാജേഷ് ചോദിക്കുന്നു. മലയാളികളെ പാഠം പഠിപ്പിക്കാന്‍ യോഗിയെ ആരോ കേരളത്തിലേക്ക് കൊണ്ടുവരുന്നുണ്ടെന്ന് കേട്ടെന്നും വരട്ടെയെന്നുമാണ് അദ്ദേഹം പറയുന്നത്.
