സി പി ഐ, ജെ ഡി എസ്, എന്‍ സി പി, കേരളാകോണ്‍ഗ്രസ് എസ് എന്നീ പാര്‍ട്ടികള്‍ ഇതിനോടകം തന്നെ കൂടുതല്‍ സീറ്റുകള്‍ക്കായി ആവശ്യം ഉന്നയിച്ചു കഴിഞ്ഞു. മുന്നണിക്കകത്തുള്ള പ്രശനങ്ങള്‍ പരിഹരിച്ചാലും പാര്‍ട്ടിയുടെ തലവേദന കുറയാനിടയില്ല. കാരണം മുന്നണി പ്രവേശനം കാത്ത് പാര്‍ട്ടികള്‍ പുറത്തും കത്തിരിക്കുന്നുണ്ട്. യുഡിഎഫ് വിട്ട് വന്ന ഫ്രാന്‍സിസ് ജോര്‍ജ് വിഭാഗത്തിനും ബാലകൃഷ്ണപിള്ളയ്ക്കും സീറ്റ് നല്‍കാതിരിക്കാന്‍ കഴിയില്ല. കൂടാതെ ജെ എസ് എസ്, സി എം പി, ഫോര്‍വേഡ് ബ്ലോക്ക് എന്നീ പാര്‍ട്ടികളും സീറ്റ് വേണമെന്ന് ഇതിനോടകം ആവശ്യപ്പെട്ടു കഴിഞ്ഞു. ഇതോടെ സീറ്റ് വിഭജന ചര്‍ച്ചകളില്‍ ആരെയൊക്കെ പിണക്കേണ്ടി വരും എന്ന ആശങ്കയിലാണ് പാര്‍ട്ടി.
