പതിനാറുകാരനെ എസ്ഐ ക്രൂരമായി മര്‍ദ്ദിച്ചതായി ആരോപണം
പതിനാറുകാരനെ എസ്ഐ ക്രൂരമായി മര്‍ദ്ദിച്ചതായി ആരോപണം. കോഴിക്കോട് സ്വദേശിയായ വിദ്യാർഥിയെയാണ് മെഡിക്കൽ കോളേജ് എസ്ഐ ഉപദ്രവിച്ചത്.
മര്‍ദ്ദനത്തില്‍ പരുക്കേറ്റ വിദ്യാര്‍ഥി ജനറൽ ആശുപത്രിയിൽ ചികിത്സയിലാണ്.
വനിതാ ഹോസ്റ്റന്‍ പരിസരത്ത് നിന്നുവെന്ന് ആരോപിച്ചാണ് വിദ്യാര്‍ഥിയെ എസ്ഐ കസ്‌റ്റഡിയില്‍ എടുത്ത് മര്‍ദ്ദിച്ചത്. വിദ്യാര്‍ഥിയുടെ കഴുത്തും ഇടുപ്പെല്ലും മര്‍ദ്ദനത്തില്‍ ചതഞ്ഞു.
അതേസമയം, പുറത്തുവന്ന വാര്‍ത്തകള്‍ നിഷേധിച്ച് എസ്ഐ രംഗത്തെത്തി.
അതേസമയം എസ്ഐക്കെതിരെ പൊലീസ് പരാതി സ്വീകരിക്കുന്നില്ലെന്ന് ഇയാളുടെ സഹോദരൻ പറഞ്ഞു. പരാതി സ്വീകരിക്കാൻ എസ്ഐയുടെ അനുവാദം വേണമെന്നായിരുന്നു പൊലീസുകാരുടെ നിർദേശമെന്നും സഹോദരൻ പറഞ്ഞു.
