ജയിലിലെത്തിയ ശ്രീലേഖ ആദ്യം പോയത് സൂപ്രണ്ടിന്റെ ചേംബറിലേക്കായിരുന്നു. ശേഷം ഓരോ സെല്ലുകളിലും പരിശോധന നടത്തി. തടവുകാരോട് പരാതികള്‍ എന്തെങ്കിലും ഉണ്ടൊയെന്നും ശ്രീലേഖ ചോദിച്ചറിഞ്ഞു. ദിലീപ് കിടക്കുന്ന സെല്ലിലെത്തിയപ്പോള്‍ താരം പായയില്‍ കിടക്കുന്നതാണ് കണ്ടത്. ശ്രീലേഖയെ കണ്ട് സഹതടവുകാര്‍ എഴുന്നേറ്റെങ്കിലും ദിലീപ് നല്ല ഉറക്കമായിരുന്നു.
സെല്ല് തുറന്ന് ജയില്‍ മേധാവി അകത്ത് കടന്നു. അപ്പോള്‍ മാത്രമാണ് ദിലീപ് ശ്രീലേഖയെ കാണുന്നത്. കണ്ടയുടനെ എഴുന്നേല്‍ക്കാന്‍ ശ്രമിച്ചെങ്കിലും കഴിഞ്ഞില്ല. ചെവിയില്‍ ഫ്ലുയിഡ് കുറഞ്ഞ് ബാലന്‍സ് നഷ്ടപ്പെട്ട ദിലീപിനെ സഹതടവുകാരാണ് പിടിച്ചെഴുന്നേല്‍പ്പിച്ചത്. ഈ സമയം താന്‍ നിരപരാധിയാണെന്ന് പറഞ്ഞ് ദിലീപ് പൊട്ടിക്കരയുകയായിരുന്നു.
