താന്‍ ഏറെ ഇഷ്ടപ്പെടുന്ന ഒരു നടനാണ് ദിലീപെന്ന് എസ്എന്‍ഡിപി യോഗം ജനറല്‍ സെക്രട്ടറി വെളളാപ്പളളി നടേശന്‍. നല്ലൊരു സ്വഭാവ നടനാണ് അദ്ദേഹം. നടന്‍ ചെയ്തത് ശരിയോ തെറ്റോ എന്ന് കോടതി തീരുമാനിക്കട്ടെയെന്നും വെളളാപ്പളളി പറഞ്ഞു.
ചാനലുകള്‍ ദിലീപിനെ കൊണ്ടുനടക്കാന്‍ തുടങ്ങിയിട്ട് കുറെ നാളുകളായി. അടുത്ത കാലത്ത് അദ്ദേഹത്തിന്റെ ഒരു തിയറ്ററും പൂട്ടി. ദിലീപിനേക്കാള്‍ വലിയ കൊടും ഭീകരര്‍ ഇവിടെയുണ്ട്. ഇവര്‍ക്കെതിരെ പ്രവര്‍ത്തിക്കാന്‍ മാധ്യമങ്ങള്‍ ധൈര്യപ്പെടുന്നില്ല. നിത്യേനയുള്ള പീഡനവാര്‍ത്ത കണ്ട് ജനം മടുത്തുവെന്നും വെളളാപ്പളളി കൂട്ടിച്ചേര്‍ത്തു.