സംവിധായകൻ ജീൻ പോൾ ലാലിനെതിരായ കേസ് ഒത്തുതീർപ്പിലേക്ക്. ജീന്‍ പോളിനെതിരെ തനിക്ക് പരാതിയില്ലെന്ന് യുവനടി കോടതിയില്‍ സത്യവാങ്മൂലം നൽകി. സന്ധിസംഭാഷണത്തിലൂടെ എല്ലാ പ്രശ്‌നങ്ങളും പരിഹരിച്ചതായും നടി കോടതിയില്‍ നല്‍കിയ സത്യവാങ്മൂലത്തില്‍ പറയുന്നു. ജീൻ പോള്‍, നടന്‍ ശ്രീനാഥ് ഭാസി എന്നിവരടക്കം 5 പേരുടെ മുൻകൂർ ജാമ്യാപേക്ഷ ഇന്ന് കോടതി പരിഗണിക്കാനിരിക്കെയാണ് കേസ് ഒത്തുതീർപ്പിലേക്കു നീങ്ങുന്നത്.
പരാതി നല്‍കിയതിന് തൊട്ടുപിന്നാലെ നടിയുടെ മൊഴി ഇന്‍ഫോ പാര്‍ക്ക് സിഐ രേഖപ്പെടുത്തിയിരുന്നു. വഞ്ചന, ലൈംഗിക ചുവയോടെയുള്ള സംസാരം എന്നിങ്ങനെയുള്ള വകുപ്പുകള്‍ പ്രകാരമാണ് കേസ് രജിസ്റ്റര്‍ ചെയ്തത്. പ്രമുഖ എന്റര്‍ടെയ്ന്‍മെന്റ് ചാനലിലെ അവതാരകകൂടിയായ നടിയായിരുന്നു സംവിധായകനും നടനുമെതിരെ പരാതിയുമായി രംഗത്തെത്തിയത്.
