കൊച്ചിയില്‍ യുവനടി ആക്രമിക്കപ്പെട്ട കേസില്‍ അറസ്റ്റിലായ ദിലീപിനെ കാണാന്‍ ഭാര്യ കാവ്യ മാധവന്‍ ജയിലിലേക്ക് വരാത്തത് ചിലര്‍ ശ്രദ്ധിച്ചിരുന്നു. കേസില്‍ ദിലീപ് അറസ്റ്റിലായതോടെ അനൂപ് മാത്രമാണ് വിവരങ്ങള്‍ അറിയിക്കാന്‍ ജയിലില്‍ ദിലീപിനെ കാണാന്‍ വരുന്നത്. പലരെയും കാണാന്‍ ദിലീപ് കൂട്ടാക്കാറില്ല എന്ന വിവരവും പുറത്തു വരുന്നുണ്ട്.
കാവ്യ മാധവനോടും അമ്മയോടും മകള്‍ മീനാക്ഷിയോടും ജയിലിലേക്ക് വരണ്ട എന്ന് നിര്‍ദ്ദേശിച്ചത് ദിലീപ് തന്നെയാണ്. ജയിലില്‍ കിടക്കുന്ന ദിലീപിനെ കാണാന്‍ എന്തുകൊണ്ട് ഭാര്യ കാവ്യ മാധവന്‍ പോയില്ല എന്ന് ചിലര്‍ ചര്‍ച്ച ചെയ്തിരുന്നു. മാധ്യമങ്ങളെ ഭയന്നാണ് കാവ്യ ജയിലില്‍ വരാതിരിക്കുന്നതെന്ന് റിപ്പോര്‍ട്ടുകള്‍.
ഈ സാഹചര്യത്തില്‍ തന്നെ കാണാന്‍ ജയിലിലേക്ക് വരണ്ട എന്ന് ഭാര്യ കാവ്യയോടും മകള്‍ മീനാക്ഷിയോടും അമ്മയോടും പറഞ്ഞത് ദിലീപ് തന്നെയാണ്. സഹോദരന്‍ അനൂപിലൂടെ പുറത്ത് നടക്കുന്ന കാര്യങ്ങളെല്ലാം ദിലീപ് അറിയുന്നുണ്ട്. കേസില്‍ കാവ്യയെ അറസ്റ്റ് ചെയ്യുമോ എന്ന ഭീതി ദിലീപിനെ തളര്‍ത്തിയിരുന്നു. ജാമ്യ നിഷേധിച്ചതോടെ ദിലീപ് മാനസികമായി തളര്‍ന്നു. മാധ്യമങ്ങളില്‍ വരുന്ന വാര്‍ത്തകളും ദിലീപിനെ വേദനിപ്പിച്ചിരുന്നു.