കിളിമാനൂര്‍ ഡിപ്പോയിലെ ലോ ഫ്ളോര്‍ ബസും എതിരേ വന്ന കിളിമാനൂര്‍ ഡിപ്പോയിലെ തന്നെ ഫാസ്റ്റ് പാസഞ്ചര്‍ ബസുമാണ് കൂട്ടിയിടിച്ചത്. ഒരു സ്കൂട്ടറിനെ ഓവര്‍ടേക്ക് ചെയ്യാന്‍ ശ്രമിക്കുമ്പോഴായിരുന്നു അപകടമെന്ന് മണ്ണന്തല പൊലീസ് പറഞ്ഞു. തിരുവനന്തപുരത്ത് നിന്നും കിളിമാനൂരിലേയ്ക്ക് പോകുകയായിരുന്ന ഫാസ്റ്റും വെമ്പായത്ത് നിന്ന് തിരുവനന്തപുരം ഭാഗത്തേയ്ക്ക് വരികയായിരുന്ന ലോ ഫ്ളോര്‍ ബസുമാണ് കൂട്ടിയിടിച്ചത്. രണ്ട് ബസിലേയും ഡ്രൈവര്‍മാര്‍ക്ക് പരുക്കുണ്ട്.
