കാറിലെത്തിയ സംഘം വിദ്യാര്‍ഥിനിയെ തട്ടിക്കൊണ്ടുപോകാന്‍ ശ്രമിച്ചു
തിങ്കള്‍, 23 ജൂലൈ 2012 (12:53 IST)
PRO
PRO
കാറിലെത്തിയ സംഘം പ്ലസ് വണ്‍ വിദ്യാര്‍ഥിനിയെ തട്ടിക്കൊണ്ടുപോകാന്‍ ശ്രമിച്ചു. പെണ്‍കുട്ടി നിലവിളിച്ചതിനെ തുടര്‍ന്ന്‌ സംഘം രക്ഷപെടുകയായിരുന്നു. തിരുവല്ലയിലാണ് സംഭവം നടന്നത്. നഗരത്തിന്‌ തൊട്ടടുത്ത്‌ മഞ്ഞാടിയില്‍ താമസിക്കുന്ന വിദ്യാര്‍ഥിനിയെ ആണ്‌ തട്ടിക്കൊണ്ടുപോകാന്‍ ശ്രമിച്ചത്‌.
വിദ്യാര്‍ഥിനി രാവിലെ സ്കൂളില്‍ പോകുന്ന വഴിയിലാണ് സാംഭവം നടന്നത്. വീടിനടുത്തുള്ള ഒരു ഇടവഴിയില്‍ വെച്ച് പെണ്‍കുട്ടിയെ തട്ടിക്കൊണ്ടുപോകാന്‍ ശ്രമിക്കുകയായിരുന്നു.
ഭയപ്പെട്ടുപോയ പെണ്‍കുട്ടി സമീപത്തെ ഒരു വീട്ടിലേക്ക്‌ ഓടിക്കയറുകയായിരുന്നു. തിരുവല്ല പൊലീസ്‌ അന്വേഷണം നടത്തുന്നുണ്ട്‌.
