കലയുടെ കല്ലായിക്കടവത്ത് കലാകൌമാരം ചിലങ്ക കെട്ടി ഒരു ദിനം പിന്നിടുമ്പോള്‍ 48 പോയിന്റുമായി കോട്ടയം ജില്ല ഒന്നാമത്. എറണാകുളം, പാലക്കാട് ജില്ലകള്‍ 46 പോയിന്റുമായി രണ്ടാം സ്ഥാനത്താണ്. ആലപ്പുഴ, തൃശൂര്‍ , കോഴിക്കോട് ജില്ലകള്‍ 44 പോയിന്റുമായി മൂന്നാം സ്ഥാനത്തുണ്ട്.
പ്രധാനവേദിയായ മലബാര്‍ ക്രിസ്ത്യന്‍ കോളജില്‍ വ്യാഴാഴ്ച വൈകുന്നേരം നടന്ന ചടങ്ങില്‍ മുഖ്യമന്ത്രി ഉമ്മന്‍ ചാണ്ടി ഭദ്രദീപം കൊളുത്തി അമ്പത്തിയഞ്ചാമത് കലോത്സവം ഉത്ഘാടനം ചെയ്തു. വിദ്യാഭ്യാസ മന്ത്രി അബ്‌ദുറബ്ബ് അധ്യക്ഷനായിരുന്നു. മന്ത്രിമാരായ എം കെ മുനീര്‍ , കെ സി ജോസഫ് തുടങ്ങിയവരുംസന്നിഹിതരായിരുന്നു.
