‘അമ്മ’ ഒരു നല്ല സംഘടനയാണ്. എന്നാൽ "അമ്മക്ക്"അമ്മ മനസ്സ് അറിയുമോ എന്ന കാര്യത്തിൽ സംശയിക്കേണ്ടിയിരിക്കുന്നുവെന്ന് പി കെ ശ്രീമതി ടീച്ചര്‍. ഒരു പക്ഷേ ഇത്തരമൊരു സംശയം ആ സംഘടനയില്‍ പലര്‍ക്കും വന്നതുകൊണ്ടായിരിക്കാം സിനിമാ രംഗത്തെ ചില വനിതാ പ്രവർത്തകർക്ക് പുതിയൊരു കൂട്ടായ്മ രൂപീകരിക്കേണ്ടി വന്നത്. അതിൽ സിനിമാ രംഗത്തെ ചെറുപ്പക്കാരായ വനിതകളെ അഭിനന്ദിച്ചേ മതിയാകൂ. പുരുഷ മേധാവിത്വത്തെക്കുറിച്ച് സ്ത്രീകൾ പറയുന്നത് സ്വാഭാവിക പ്രതികരണമായിമാത്രമാണു എല്ലാവരും കരുതുക എന്നും ശ്രീമതി ടീച്ചര്‍ തന്റെ ഫേസ്‌ബുക്ക് പോസ്റ്റിലൂടെ ആരോപിച്ചു.