അമേരിക്കയിൽ 13 വയസിന് താഴെയുള്ള കുട്ടികളെ സാമൂഹികമാധ്യമങ്ങളിൽ നിന്നും വിലക്കാനുള്ള ബിൽ സെനറ്റിൽ അവതരിപ്പിച്ചു. ഫെയ്സ്ബുക്ക്,ഇൻസ്റ്റഗ്രാം,ടിക്ടോക് എന്നിവയിലാണ് ഈ മാറ്റം കൊണ്ടുവരുന്നത്. കൗമാരക്കാർ സാമൂഹികമാധ്യമങ്ങൾ ഉപയോഗിക്കണമെങ്കിൽ ടെക് കമ്പനികൾ രക്ഷിതാക്കളുടെ സമ്മതം കൂടി ഉറപ്പാക്കണമെന്നും ബില്ലിൽ പറയുന്നു.
സാമൂഹികമാധ്യമങ്ങളുടെ ഉപയോഗം കുട്ടികളുടെ മാനസികാരോഗ്യം തകരാറിലാക്കുന്നുവെന്ന വിദഗ്ദരുടെ അഭിപ്രായം വിശദമായി പരിശോധിക്കണമെന്നും കൗമാരപ്രായത്തിലുള്ള കുട്ടികളുടെ വ്യക്തിഗതവിവരങ്ങളടങ്ങിയ ഉള്ളടക്കം,പരസ്യങ്ങൾ എന്നിവ സമൂഹമാധ്യമങ്ങൾ പങ്കുവെക്കരുതെന്നും ബില്ലിൽ നിഷ്കർഷിക്കുന്നു. 2021ൽ യുഎസിലെ ഹൈസ്കൂൾ വിദ്യാർഥികളിൽ നടത്തിയ സർവേയിൽ 29 ശതമാനം ആൺകുട്ടികളിലും 57 ശതമാനം പെൺകുട്ടികളിലും വിഷാദരോഗം കണ്ടെത്തിയിരുന്നു. സമൂഹമാധ്യമങ്ങളുടെ അമിതമായ ഉപയോഗമാണ് ഇതിൻ്റെ കാരണമെന്നാണ് വിദഗ്ധരുടെ വിലയിരുത്തൽ.