വെറും 96 രൂപയ്ക്ക് പ്രതിദിനം 10 ജിബി ഡേറ്റ നൽകാൻ ഒരുങ്ങി ബിഎസ്എൻഎൽ. കടുത്ത മത്സരമുള്ള ടെലികോം വിപണിയിൽ ഉപയോക്താക്കളെ പിടിച്ചുനിർത്തുന്നതിനാണ് ബിഎസ്എൻഎലിന്റെ പുതിയ തന്ത്രം. എന്നാൽ ഈ പ്ലാനിൽ ഡേറ്റ മാത്രമായിരിയ്ക്കും ലഭിയ്കുക. അങ്ങനെയാണെങ്കിൽപോലും ഡേറ്റ ഉപയോഗത്തിന് ഏറ്റവും മികച്ച പ്ലാനാണ് ബിഎസ്എൻഎൽ അവതരിപ്പിച്ചിയിയ്ക്കുന്നത്.
28 ദിവസമാണ് ഈ പ്ലാനിന്റെ കാലാവധി. 236 രൂപയുടെ മറ്റൊരു പ്ലാനും ബിഎസ്എൻഎൽ ആരംഭിയ്ക്കും. ദിവസേന 10 ജിബി ഡേറ്റ 84 ദിവാസത്തേയ്ക്ക് ഈ പ്ലാനിൽ ലഭ്യമാകും. എന്നാൽ ബിസ്എൻഎലിന്റെ എല്ലാ സർക്കിളുകളിലും ഈ പ്ലാൻ ലഭിയ്ക്കില്ല എന്നാണ് റിപ്പോർട്ടുകൾ. കമ്പനിയ്ക്ക് 4G കണക്ടിവിറ്റിയുള്ള കൊൽക്കത്ത, മധ്യപ്രദേശ്, മഹാരാഷ്ട്ര, ഗുജറാത്ത്, ആന്ധ്രാപ്രദേശ്, കർണാടക, കേരളം, തമിഴ്നാട് എന്നീ സർക്കിളുകളിലായിയ്ക്കും ആദ്യം പ്ലാൻ എത്തുക.
