ചന്ദ്രനിൽ ആദ്യം കാൽതൊട്ട നീൽ ആംസ്ട്രോംഗ്, കൂടെ നടന്ന എഡ്വിൻ ആൽഡ്രിൻ എന്നിവർക്ക് പുറമെ കോളിൻസാണ് സംഘത്തിൽ ഉണ്ടായിരുന്നത്. കൂട്ടാളികൾ ചന്ദ്രനിൽ നടന്ന് ചരിത്രം സൃഷ്‌ടിക്കുമ്പോൾ കോളിൻസ് കമാൻഡ് മൊഡ്യൂളിൽ പേടകത്തിൽ തുടരുകയായിരുന്നു. ചരിത്ര പുസ്‌തകങ്ങളിൽ അവസാന പേരിലൊതുങ്ങുമ്പോഴും ഇതിൽ യാതൊരു വിധ പരിഭവവും കോളിൻസ് പ്രകടിപ്പിച്ചില്ല. കൂട്ടാളികളില്ലാതെ മടങ്ങിപ്പോകേണ്ടി വരുമോ എന്ന പേടി മാത്രമേ ഏകാന്ത യാത്രയിൽ തനിക്കുണ്ടായിരുന്നുള്ളൂവെന്ന് കോളിൻസ് പിന്നീട് പറയുകയും ചെയ്‌തു.
