ചുരുങ്ങിയ കാലം കൊണ്ട് എല്ലാവര്‍ക്കും സുപരിചിതമായ വാക്കാണ് ട്വീറ്റ്. സോഷ്യല്‍ നെറ്റ്‌വര്‍ക്കിംഗ് സൈറ്റായ ട്വിറ്ററില്‍ ഉപയോഗിക്കുന്ന പ്രശസ്തമായ 'Tweet' എന്ന് വാക്ക് ഓക്‌സ്ഫോര്‍ഡ് ഡിക്‌ഷണറിയിലും ഉണ്ടാകും. പുതിയ വാക്ക് ഡിക്ഷണറിയില് ചേര്‍ക്കണമെങ്കില്‍ കുറ‍ഞ്ഞത് 10 കൊല്ലം ഉപയോഗിച്ചിരിക്കണം എന്നാണ് നിയമം. ഈ നിയമത്തെ ഖണ്ഡിച്ചു കൊണ്ടാണ് ട്വീറ്റ് ഡിക്ഷണറിയില് ഇടംപിടിച്ചത്.
നിലവില്‍ ഈ വാക്ക് ഡിക്ഷണറിയില് ഉണ്ടെങ്കിലും ചെറു പക്ഷികളുടെ ചിലയ്ക്കലിനെയാണ് ഇത് സൂചിപ്പിച്ചു വന്നത്. നാമമായും ക്രിയായും ആയിട്ടാകും ഈ വാക്ക് ഇനി ഡിക്ഷണറിയില് ഉണ്ടാവുകയെന്ന് ഓക്‌സ്ഫോര്‍ഡ് ഇംഗ്ളീഷ് ഡിക്‌ഷണറി ചീഫ് എഡിറ്റര്‍ ജോണ്‍ സിംപ്‌സണ്‍ പറഞ്ഞു.
ജൂണ്‍ മുതല്‍ ഈ വാക്കിന് ഔദ്യോഗികമായ മറ്റൊരു വിശദീകരണം കൂടി ഇനി മുതല്‍ ഡിക്ഷണറിയില് ഉണ്ടാകും. അതേസമയം retweet എന്ന വാക്ക് 2011ല്‍ തന്നെ ഡിക്ഷണറിയില് ഉള്‍ പ്പെടുത്തിയിരുന്നു. 140 കാരക്ടര്‍ അടങ്ങുന്നതാണ് ഓരോ ട്വീറ്റും. പ്രതിദിനം 34 കോടി ട്വീറ്റുകളാണ് പോസ്റ്റു ചെയ്യപ്പെടുന്നത്.
