ക്യാപ്റ്റന്‍ ശാപം വിടാതെ പിന്തുടരുകയാണ് കൊല്‍ക്കത്തയെ. കഴിഞ്ഞ സീസണിലും ഇതു തന്നെയായിരുന്നു അവസ്ഥ. ആദ്യ മത്സരങ്ങളിലെ മോശം പ്രകടനത്തെ തുടര്‍ന്ന് ദിനേശ് കാര്‍ത്തിക് ക്യാപ്റ്റന്‍ സ്ഥാനം ഒഴിയുകയായിരുന്നു. ക്യാപ്റ്റന്‍ എന്ന നിലയിലും ബാറ്റിങ്ങിലും കാര്‍ത്തിക് മോശം പ്രകടനമാണ് ആദ്യ മത്സരങ്ങളില്‍ നടത്തിയത്. ഇതേ തുടര്‍ന്നാണ് ക്യാപ്റ്റന്‍ സ്ഥാനം ഒഴിയാന്‍ കാര്‍ത്തിക് സന്നദ്ധത അറിയിച്ചത്. ഫ്രാഞ്ചൈസി ഇത് അംഗീകരിക്കുകയും കാര്‍ത്തിക്കിനു പകരം മോര്‍ഗനെ ക്യാപ്റ്റനാക്കുകയും ചെയ്തു.
മോര്‍ഗനെ ക്യാപ്റ്റന്‍ സ്ഥാനത്തുനിന്ന് നീക്കണമെന്ന് ആരാധകര്‍ അടക്കം ഫ്രാഞ്ചൈസിയെ ടാഗ് ചെയ്ത് സോഷ്യല്‍ മീഡിയയില്‍ ആവശ്യപ്പെടുന്നുണ്ട്. എന്നാല്‍, മോര്ഗന് പകരം ഇനി ആരെ നായകനാക്കും എന്നതാണ് കൊല്‍ക്കത്തയുടെ തലവേദന.
