Shreyas Iyer: 2024 ഐപിഎല്‍ സീസണില്‍ കൊല്‍ക്കത്ത നൈറ്റ് റൈഡേഴ്‌സിനെ ജേതാക്കളാക്കിയ നായകന്‍ ശ്രേയസ് അയ്യര്‍ പുറത്ത് ! 2025 സീസണിനു മുന്നോടിയായി കൊല്‍ക്കത്ത നിലനിര്‍ത്തിയ താരങ്ങളുടെ പട്ടികയില്‍ ശ്രേയസ് ഇല്ല. ബാറ്റിങ് പ്രകടനം മോശമായതു കൊണ്ടാണ് വന്‍ തുക ചെലവഴിച്ച് ശ്രേയസിനെ നിലനിര്‍ത്താന്‍ കൊല്‍ക്കത്ത തയ്യാറാകാതിരുന്നത്.
റിങ്കു സിങ് - 13 കോടി, വരുണ്‍ ചക്രവര്‍ത്തി - 12 കോടി, സുനില്‍ നരെയ്ന്‍ - 12 കോടി, ആന്ദ്രേ റസല്‍ - 12 കോടി, നിതീഷ് റാണ - നാല് കോടി, രമണ്‍ദീപ് സിങ് - നാല് കോടി എന്നിവരെയാണ് കൊല്‍ക്കത്ത നിലനിര്‍ത്തിയത്. ശ്രേയസ് അയ്യരെ സ്വന്തമാക്കാന്‍ മെഗാ താരലേലത്തില്‍ മുന്‍പന്തിയില്‍ ഉണ്ടാകുന്ന മറ്റൊരു ഫ്രാഞ്ചൈസി റോയല്‍ ചലഞ്ചേഴ്‌സ് ബെംഗളൂരു ആയിരിക്കും. ശ്രേയസിനെ നായകനായി ലഭിക്കാനാണ് ആര്‍സിബി ശ്രമിക്കുക.
