വെടിക്കെട്ട് ബാറ്റര്‍മാരായ രോഹിത് ശര്‍മയും സൂര്യകുമാര്‍ യാദവും മുംബൈ ഇന്ത്യന്‍സ് വിടുമെന്ന് റിപ്പോര്‍ട്ട്. 2025 ലെ മെഗാ താരലേലത്തിനു മുന്നോടിയായി ഇരുവരും ഫ്രാഞ്ചൈസി വിടുമെന്നാണ് ദൈനിക് ജാഗരണ്‍ റിപ്പോര്‍ട്ട് ചെയ്യുന്നത്. ഇരുവരെയും പിടിച്ചുനിര്‍ത്താന്‍ മുംബൈ ഇന്ത്യന്‍സ് മാനേജ്‌മെന്റ് ശ്രമങ്ങള്‍ നടത്തിയെങ്കിലും ഫലം കണ്ടില്ല.
നായകസ്ഥാനത്തു നിന്ന് മാറ്റിയതിനു പിന്നാലെ രോഹിത്തിനു കടുത്ത അതൃപ്തി ഉണ്ടായിരുന്നെന്നും ഫ്രാഞ്ചൈസി മാറാന്‍ താരം ആഗ്രഹിച്ചിരുന്നെന്നും നേരത്തെ ചില റിപ്പോര്‍ട്ടുകള്‍ പുറത്തുവന്നിരുന്നു. ഇതിനെ സാധൂകരിക്കുന്നതാണ് ദൈനിക് ജാഗരണ്‍ റിപ്പോര്‍ട്ട്. കൊല്‍ക്കത്ത നൈറ്റ് റൈഡേഴ്‌സാണ് രോഹിത്തിനെ റാഞ്ചാന്‍ വലവിരിച്ചിരിക്കുന്നത്.
