ഡല്‍ഹിക്കെതിരായ മത്സരത്തില്‍ 11 പന്തുകള്‍ നേരിട്ട് വെറും എട്ട് റണ്‍സ് മാത്രമാണ് പരാഗ് നേടിയത്. കളിയില്‍ മോശം രീതിയില്‍ ബാറ്റ് ചെയ്ത പരാഗ് തന്നെയാണ് പിന്നീട് സൂപ്പര്‍ ഓവറില്‍ രാജസ്ഥാനു വേണ്ടി ബാറ്റ് ചെയ്യാനെത്തിയത്. 28 പന്തില്‍ ആറ് ഫോറും രണ്ട് സിക്‌സും സഹിതം 51 റണ്‍സ് നേടിയ നിതീഷ് റാണ, 37 പന്തില്‍ മൂന്ന് ഫോറും നാല് സിക്‌സും സഹിതം 51 റണ്‍സ് നേടിയ യശസ്വി ജയ്‌സ്വാള്‍ എന്നിവര്‍ പുറത്തുള്ളപ്പോഴാണ് ഫോംഔട്ടില്‍ നില്‍ക്കുന്ന പരാഗ് സൂപ്പര്‍ഓവറില്‍ ബാറ്റ് ചെയ്യാനെത്തിയത്. ഇത് രാജസ്ഥാന്‍ ആരാധകരെ കുറച്ചൊന്നുമല്ല ചൊടിപ്പിച്ചത്. ടീമില്‍ പരാഗിനുള്ള അപ്രമാദിത്തമാണ് ഇതില്‍ നിന്ന് വ്യക്തമാകുന്നതെന്ന് ആരാധകര്‍ പറയുന്നു.
