ഐപിഎല്ലില്‍ തുടര്‍ച്ചയായ മൂന്നാം മത്സരത്തിലും മികച്ച പ്രകടനം നടത്തി ലഖ്‌നൗ താരം നിക്കോളാസ് പുറാന്‍. ആദ്യ 2 മത്സരങ്ങളിലും അര്‍ധസെഞ്ചുറി നേടിയ താരം മൂന്നാം മത്സരത്തില്‍ 44 റണ്‍സെടുത്താണ് മടങ്ങിയത്. 3 മത്സരങ്ങളില്‍ നിന്നും 63 റണ്‍സ് ശരാശരിയിലും 219 സ്‌ട്രൈക്ക്‌റേറ്റിലും 189 റണ്‍സ് പുറാന്‍ ഇതിനകം നേടി കഴിഞ്ഞു.
3 മത്സരങ്ങളില്‍ നിന്നും 17 ഫോറും 15 സിക്‌സുകളുമാണ് പുറാന്‍ ഇതിനകം തന്നെ നേടിയത്. സീസണിലെ ആദ്യമത്സരത്തില്‍ ഡല്‍ഹി ക്യാപ്പിറ്റല്‍സിനെതിരെ 30 പന്തുകളില്‍ നിന്നും 6 ഫോറും 7 സിക്‌സും സഹിതം 75 റണ്‍സാണ് പുറാന്‍ നേടിയത്. സണ്‍റൈസേഴ്‌സ് ഹൈദരാബാദിനെതിരായ മത്സരത്തില്‍ 26 പന്തില്‍ നിന്ന് 6 വീതം സിക്‌സും ഫോറുമായി 70 റണ്‍സും താരം നേടിയിരുന്നു. പഞ്ചാബ് കിങ്ങ്‌സിനെതിരെ 30 പന്തുകളില്‍ നിന്നും 5 ഫോറും 2 സിക്‌സും സഹിതം 44 റണ്‍സാണ് താരം നേടിയത്. 35 റണ്‍സിന് 3 വിക്കറ്റെന്ന നിലയില്‍ തകര്‍ന്ന ലഖ്‌നൗവിനെ മത്സരത്തില്‍ കരകയറ്റിയത് നിക്കോളാസ് പുറാന്റെ പ്രകടനമായിരുന്നു. നിലവില്‍ സീസണില്‍ 189 റണ്‍സുള്ള നിക്കോളാസ് പുറാനാണ് ഐപിഎല്‍ 25 സീസണിലെ ടോപ്‌സ്‌കോറര്‍.
